isug sin pagkausug

Kami bangsa tausug,
Bangsa nangaput sipug..
hisyu in sumulang agad da pa hi lu'dang..

misan baran nahansul, ginhawa hi panuuk..
bang in siki ma halul..
uturun bat way simbul..

laung sin katan bangsa tausug way lagi..
misan magtaymanghud mag gaus da magkahi..

jari mga taymanghud..
tumahan nila buntul..
isug sin pagkausug bukun pa ma taymanghud..

sah bang bunnal in isug yan..
bugitan dunya yan..

In pag kausug sa bunnal..
Labi allah pa rasul...

Bang bunnal in isug yan, bugitan sinapang yan..
papagbaka in gulamay mu ha barong gagandilan..

Simagawa in barong pusaka' kyamaasan..
wai kyararapatan pa castilla' milikan..
hangkan subay kumkumun.. Daing ha jaman pa jaman..

Panawag tawag ini bkun daing ha tiranan..
Pyaurul ha tarasul ha supaya mabuntul..